Wasiirka Wasaaradda Gaadiidka iyo Duulista hawada Hirshabelle, Muuse Salaad Wehliye iyo Guddoomiyaha gobolka Hiiraan mudane Cabdullaahi Axmed Maalin Sufuroow oo ay weheliyaan Mas’uuliyiin kale ayaa gaaray furimaha hore ee dagaalka lagula jiro Khawaarijta, si ay u dhiiri geliyaan Ciidamada dib-u-xoreynta deegaanka iyo kuwa Xoogga Dalka.
Guddoomiye Sufuroow ayaa markii uu gaaray deegaanka Oya-Mago oo ka tirsan gobolka Hiiraan, waxuu dhiirrigelin u sameeyay Ciidanka Xoogga iyo Kuwa deegaanka, wuxuuna ku amaanay sida ay casharka ugu dhigeen Argagixisada oo dhawaan isku dayay in weerar dhuumaalaysi ah ku qaadaan deegaankaasi Oya-Mago.
Guddoomiyaha ayaa ballan qaaday in taageerada maamulka Gobolka ay joogto ahaan doonto, ciidanka dib u xoreynta deegaankana ay u diyaar garoobaan qabashada deegaannada kale ee ay ku dhuumanayaan Khawaarijta.
Deegaannada uu booqday gudoomiyaha gobolka Hiiraan Mudane Cabdullaahi Axmed Maalin Sufurow waxaa ka mid ah Libileey, Oyo-mago iyo Qandoolyaay oo dhamaantood ka tirsan Gobolkan Hiiraan
Guddoomiyaha gobolla ayaa wada isku-duba ridka iyo dhiirragelinta Ciidanka deegaanka iyo kuwa Xoogga dalka si loo bilaabo wajiga labaad ee howlgallada ka dhanka ah Argagixisada.
Wasiirka Wasaaradda Gaadiidka iyo Duulista hawada Hirshabelle, Muuse Salaad Wehliye ayaa dhankiisa tilmaamay in ay garab taaganyihiin ciidamada qalabka sida.
