Wasiir ka tirsan xukuumadda Soomaaliya iyo waalidiin ayaa ka qeyb galay xaflad ardayda dhigata dugsiga sare ee badda oo loo soo xirayay sanad waxbarasheed ku saabsan culuumta badda, kaasi oo lagu qabtay dugsiga sare badda ee degmada C/casiis.
Munaasabadii ardayda loogu soo xirayay sanad waxbarasho oo ay ku qaateen dugsiga sare ee badda ayaa waxaa ka qeyb galay Wasiiro, mas’uuliyiin ka tirsan Jaamacadda City, xubno ka socday hay’adda hasiina oo ah hay’ad taageerta bushada, waalidiin, ardayda iyo marti sharaf kale, kaasi oo lagu qabtay Muqdisho.
Guddoomiye ku-xigeenka Jaamacadda City Cabdikariin Xasan ayaa sheegay in ardayda ay qaateen hal sano oo foundation ah, isla markaana ay ka go’antahay in la baro culuumta badda, isagoo Wasaaradaha Kalluumeysiga iyo waxbarashada ka codsaday inay ilgaar ah ku eegaan dugsiga.
“Waxaan aad ugu faraxsanahay in aad maanta nagala soo qayb gashaan xaladda lagu soo xirayo sanadka daraasadda ee dugsiga sare ee badda, waxayna nootahay sharaf aad u weyn in aad nagala soo qeyb gashaan xafladdan oo aan noo suuroobin markii hore ee iskuulka lag furayay, Wasaaradda Kalluumeysiga iyo Wasaaradda waxbarashada labaduba waxaan ka rabnaa oo aan ka codsaneynaa Wasiirada jooga inay inay iskuulkan adopt-gareeyaan, sdiii carruurtoodi, ka warqabaan, noo yimaaaan, baahideena waxa ay ka qaban karaan ay ka qabtaan oo ay nagu ogaan meeshan” ayuu yiri Cabdikariin Xasan Jaamac.
Eng Muqtaar Haaruun oo ku hadlayay magaca waalidinta ayaa sheegay in ardayda ay haystaan fursad, loona baahanyahay inay ka faa’iideystaan.
“Waxaad fursad u hesheen 25 kaddib, bur burkii dalka, inaad heshaan fursad waxbarasho oo cilmiga badda ah, sida uu sheegay Walaalkeen Cabdikariin badaasi uu Alle nagu maneystay, uu dhirirkeedu gaarayo, 3333, Kilometer iyo wax ka badan” ayuu yiri Eng Muqtaar.
Guddoomiyaha Degmada C/casiis ayaa tilmaamay in ka degmo ahaan ay garan taaganyihiin ardayda wax ka barata dugsiga sare ee badda.
“Maamulka Gobolka Banaadir, qaasatan kan degmada C/casiis, waxaan garab taaganahay iskuulkan, in aan wax caqabad ah uga imaan xagga amniga, inaysan wax caqabad ah uga imaan x xagga bii’ada, waxaas oo dhan anaga ayaa diyaar u ah garabkooda ayaan taaganahay, waana ku faraxsanahay, in shaqada ay halkaan ka socoto, Jaamacadda iyo Iskuulka maamulkooda waan ku dhiri gelineynaa arrintan” ayuu yiri Guddoomiyaha Degamda.
Madaxa hay’adda hayd’adda Hasiina oo taageerta dugsiga sare ee badda Mascuud Galbihar ayaa sheegay in uu aad ugu faraxsanyahay sida ay ardayda uga go’atahay inay wax bartaan, ayna sii wadayaan taageerada ay siinayaan.
“Farxad ayay ii tahay in aan halkaan idinka joogo, oo aan idinla hadlo iyo in aan arko waxa noo qabsoomay sanadkii tegay, isla markaana aan dib u eegno sanadka xiga waxa inoo qorsheysan, Insha Allah, Walaalaha ku nool Yurub waxa ay diyaar u yihin inay idinla wadaagaan dhibta aad ku jirtaan, way idin jecelyihiin, waxayna diyaar idinla yihiin inay idin caawiyaan” ayuu yiri Mascuud.
Wasiiru-dowlaha Wasaaradda Waxbarashada iyo tacliinta sare Muda Cabdullaahi Bile Nuur ayaa sheegay in ay tahay tallaabo lagu farxo in ardayda Soomaaliyeed ay baranayaan culuumta Badda.
“Aad iyo baan raggii ka soo shaqeeyay iyo hay’adda Hasiina iyo dadkii howshan soo qabtay, waan u mahadcelinayaa, wax weyn bay noo qabteen, waxayna u baahanahay iskuuladaas lagu baranayo cilmiga, yacni meelaha ay dhaqaalaheenu ku tiirsanyahay, runtii wax aad loogu farxo weeye sanadkii koowaad, waxaan u dabaal degeynaa sanad guuradii ka soo wareegtay ardayda foom one-ka dhameeyay, xafladii xiritaankooda guul baan u rajeyneynaa, 50-kii ugu horeeyay baa ka baxay, sanadka xiga 100 baan u rajeynayaa” ayuu yiir Wasiiru-dowlaha Waxbarashada.
Wasiirka Kalluumeysiga iyo Kheyraadka badda Mudane Maxamed Cuamr Ceeymooy ayaa sheegay in uu ku talinayo sidii bulshada ay uga faa’iideysan lahaayeen kheyraadka badda, isla markaana uu diyaar u yahay in uu garab istaago ardayda wax ka baranaysa dugsiga sare ee badda.
“Marka dadka hamiyay in ay arrintaas u istaagto ee ay bartaan culuumta badda, kalluunka aad iyo aad ayaan u soo dhaweneynaa, waa waxyaabaha aan maanta isleenahay waad tabeyseen oo aad u baahneedeen, marka aniga waxaan ku talin lahaa haddii aan ahay Wasiirka Kalluumeysiga iyo kheyraadka badda, waxaa maanta foodda inoo saaran kalluunka nagi ee muuqda, oo aad moodo in uu banaanka yaallo, in aan ka baahnaano waa nasiib darro, aan u jeesano aan saarano badaan kalluunka ka buuxa” ayuu yiri Wasiirka Kalluumeysiga iyo kheyraadka badda.
