Masuuliyiin ka tirsan wasaaaradda warfaafinta dhaqanka iyo dalxiiska oo booqanaya magaalada Kismaayo ayaa kulan xog wareysi ah la qaatay Suxufiyiinta ka howlgasha magaalada Kismaayo ee xarunta gobalka Jubbada Hoose.
Kulankaan ayaa sidoo kale Suxufiyiinta waxaa loogu qaybiyay xeerka saxaafada dalka oo dhawaan golaha baarlamaanka Soomaaliya si buuxda ay u meel mariyeen.
Related posts
Agaasimha guud ee wasaaradda warfaafinta dhaqanka iyo dalxiiska mudane C/risaaq Cali Yuusuf “Bahlaawi” oo ay wehliyaan mas’uuliyiin ka tirsan wasaaradda oo kala ah, Agaasimaha Wakaaladda Wararka Qaranka Soomaaliya ee SONNA C/raxmaan Yuusuf Sheekh A-cadaala, Agaasimaha Qorshaynta iyo xiriirka ee wasaarada C/laahi Sheekh Heybe ย ayaa suxufiyiinta Kismaayo u ย qaybiyay xeerka saxaafadda dalka oo dhawaan golaha baarlamaanka uu si buuxda u ansixiyay, si ay uย akhristaan.
Suxufiyiinta magaalada Kismaayo ee kulanka ka qaybgalay ayaa aad u soo dhaweeysay dadaallada hormarineed ee xagga warbaahinta ah oo ay waddo Wasaardda Warfaafinta iyo sidoo kale Golaha Saxaafadda Qaranka oo ay sharciyeeyeen golaha wasiirrada ee xukuumadda Soomaaliya.
Magaalada Kismaayo ayaa waxaa lagu wadaa in laga furo xafiiskii ugu horeeyay ee SONNA ay ku yeelato goballada dalka sida uu sheegay Agaasimaha Guud ee Wakaaladda Wararka Qaranka Soomaaliya eeย SONNA Mudane Cabdiraxmaan Yuusuf Sheekh “Cadaala”.
