Xaflad Casho ah oo ay kasoo qeyb galeyn Wasiirka Cadaaladda Xukuumadda Soomaaliya C/llahi Jaamac Ilka-jiir, Wasiirka Amniga Qaranka C/risaaq Cumar Maxamed, Xeer ilaaliyaha Guud ee Qaranka Axmed Cali Daahir, Saraakiisha iyo Taliyeyaasha Ciidamada Qalabka sida ayaa waxa ay ugu hambalyeynayeen Taliyaha Ciidanka Asluubta Soomaaliyeed Sareeyo Guud Bashiir Maxamed Jaamac (Bashiir Goobbe),oo Dhawaan Madaxweynaha Jamhuuriyadda Fedraalka Soomaaliya Mudane Xasan Sheekh Maxamuud uu hal darajo dalacsiiyey waxaana uu ahaa intaan la dalacsiin ka hor Sareeyo Gaas.
Xafladda ayaa Martidii kasoo qeyb gashay waxaa mada-daalinayey Hobollada Fanaaniinta Kooxda Onkod ee Ciidanka Asluubta Soomaaliyeed, Waxaana Gunaanadka ka hadlay Wasiirada iyo Taliyeyaasha Ciidamada ee kasoo qeyb galay, iyagoo si wada-jir ah ugu hambalyeeyey Taliyaha Ciidanka Asluubta S/Guud Bashiir Maxamed Jaamac (Goobbe) waxeyna Xuseen in uu mudan yahay Darajada sare ee la siiyey uuna yahay Jeneraal Howlkar ah oo Taariikhda Dalka ay xusi doonto.
Taliyaha Ciidanka Asluubta Soomaaliyeed Sareeyo Guud Bashiir Maxamed Jaamac ,ayaa Xafladaasi soo xiray, isagoo uga mahadceliyey Madaxda kasoo qeyb gashay sida ay u baraarujiyeen waxaana uu tilmaamay in waajib ay tahay in laga wada shaqeeyo danta Guud ee Dalka.
“Runtii waan u mahad celinayaa Martida madaxda ah ee halkaan fadhisa iyo dadkii soo qaban qaabiyey Xafladan la iigu hambalyeynayo, haddii aan kaftamo markii la siinayey Darajada S/Gaas waan uga horeeyey Taliyeyaasha Ciidamada ee saaxiibadeey ah, waan kusoo dhaweeyey markii iyagana la siiyey Darejadaas, hadda sidaas oo kale waan kusoo dhaweynayaa Darajada S/Guud waana ay mudan yihiin” Ayuu yiri S/guud Bashiir Goobe
—DHAMMAAD—
Xafiiska Warfaafinta Taliska Guud ee Ciidanka Asluubta Soomaaliyeed
Muqdisho-Soomaaliya
