Mashaariicdaan oo qeyb ka ah kuwo laga hirgalinayo Deegaanno ka tirsan Galmudug isla markaana hirgalintooda ay iska kaashadeen Dowladda Fadaraalka Soomaaliya, Dowlad Gobaleedka Galmudug iyo Midowga Yurub ayaa waxaa kormeeray Masuuliyiin ka tirsan Galmudug, kuwaa oo xaqiijinayay in loo fuliyay Sidii loogu talagalay
Mashaariicda laga fuliyay Deegaanka Qeydaro oo uu ka mid ahaa Dayactirka Ceelka Deegaanka oo ay bulshada ku nooli ay baahi u qabeen ayaa waxaa si wadajir ah u kormeeray iyagoo qiimeeyn ku sameeynaya Sida loo qabtay Shaqada Tayo ahaan Masuuliyiin ka socatay Wasaaradaha Howlaha Guud iyo Tamarta
Injineer Axmed Maxamuud Barre Oo ka socatay Wasaaradda Howlaha Guud guriyeeynta iyo Dib u dhiska Dowlad Gobaleedka Galmudug ayaa ugu horeyn ka hadlay ujeeddada lormeerkooda iyo Baahiyaha loo qabo Mashaariicda laga fulinayo Deegaanka Qeydaro, waxaana uu sheegay in ka Wasaarad ahaan ay masuuliyadi ka saaran tahay la socodka Tayada Iyo Hubinta Mashaariicda laga Fulinayo Guud ahaan Deegaanada Galmudug kormeerkaana uu qeyb ka yahay kormeerida shaqooyinka loo qabto Bulshadooda Tayo ahaan iyo ineey dabooli karto baahiyaha loo qabo
Injineer Xasan Cabdiraxmaan Axmed oo isna ka socday Wasaaradda Tamarta Iyo kheyraadka Biyaha ayaa dhankiisa sheegay in Wasaaradda Tamarta ay waddo dadaalo ku aadan yareeynta baahiyaha dhanka Biyaha ee Ka jira Deegaanada fogfog ee Dowlad Gobaleedka Galmudug
Ugu Dambeyn Maamulka Iyo Bulshada Deegaanka Qeydaro ee Gobalka Galguduud ayaa uga Mahadceliyay Dayactirka Ceelka kaliya ee ku yaala halkaasi, isagoo sheegay in ay ku tiirsaneyd nolasha Dad iyo Duunyo aad u farabadan ayna ilaashan Doonaan
