Guddoomiye Ku-xigeenka hay’adda Maareynta Musiibooyinka Qaranka Dr. Axmed Cabdi Aadan ayaa shir guddoomiyey kulan u dhexeeyay waaxyaha kormeerka iyo qiimeynta ee SoDMA iyo Wasaaradda Qorsheynta iyo Hormarinta Dhaqaalaha Soomaaliya.
U jeedka shirkaan ayaa ahaa sidii SoDMA iyo Wasaaradda Qorsheynta ay u yeelan lahaayeen iskaashi shaqo oo dhaw iyo sidii labada waaxood ee kormeerka iyo qiimeynta ay uga waada shaqayn lahaayeen dhinacyada kormeerka iyo qiimeynta.
Waxaa la isla gartay in labada Waax ee Kormeerka iyo Qiimeynta ee SoDMA iyo Wasaaradda Qorsheynta Qaranka ay yeeshaan is afgarad shaqo, iyadoo la ixtiraamaayo doorka iyo masuuliyadaha labada hay’adood.
Ugu dambeyn wafdiga Wasaaradda Qorsheynta iyo Hormarinta Dhaqaalaha ayaa booqday xarunta Qaran ee ka digista Halis Wadareedyada ee hay’adda Maareynta Musiibooyinka Soomaaliyeed.
