Wasiirro ka tirsan maamulka Koofur galbeed Soomaaliya oo maalmahanba booqasho ku joogay degmada Buur-hakaba ayaa lagu wadaa iney maanta kulamo la qaataan qeybaha kala duwan ee bulshada ku nool halkaasi.
Wafdigan oo uu hoggaaminayo wasiirka arrimaha gudaha iyo dowladaha hoose ee maamulkaasi ayna ka mid yihiin saraakiisha heyโadaha gargaarka ee fadhigoodu yahay magaalada Baydhabo ayaa kormeeray dhamaan xarumaihii adeegga bulshada ee magaalada Buurhakaba, sida cisbitaalka guud ee magaaladaasi oo aan shaqeynin, dugsiyadii waxbarashada, xafiisyadii maamulka iyo meelo kale.
Sidoo kale maanta ayaa la filayaa in ay kulan la qaataan bulshada ku nool tuulooyin gaaraya 375 kuwaasoo dhamaantood hoos yimaada degmada Buurhakaba.
Degmada Buurhakaba oo ka mid ah degmooyinka ugu faca weyn dalkeena ayaa hadana ah degmooyinka ugu toolooyinka badan dalka, waxaana meesha ka maqan dhamaan adeegyadii lagama maarmaanka u ahaa nolosha bulshada.
