Kulankaan oo isugu jiray soo dhaweyn iyo kala warqaadasho la xariirta halka ay marayaan dadaallada la xariira Nabadeynta Beelaha Colaaddu ka dhax jirtay Muddooyinkii u danbeeyay ayaa waxaa magaalada Gaalkacyo ku yeeshay Masuuliyiin ka tirsan Dowlad Gobaleedyada Galmudug iyo Puntland
Kulanka oo ujeedkiisa ugu weyn uu ahaa soo dhaweyn loo sameeyay Wasiirka Wasaaradda Caafimaadka Puntland Siciid Qoorsheel ayaa waxaa ka qeyb galay xubno ka tirsan Golaha Wasiirada iyo Baarlaanada Galmudug iyo Puntland, Mas’uuliyiin Heer Gobal iyo Heer Dagmo Odayaasha Dhaqanka iyo Xubno ka socday Ururada Haweenka iyo Dhallinyarada Gobalka Mudug ee Galmudug
Related posts
Duqa Dagmada Gaalkacyo ee Galmudug Cabdiraxmaan Sheekh Xasan oo ugu horeyn ka hadlay ujeedka kulanka soo dhaweynta ah ee ay u sameeyeen Masuuliyiinta Dowlad Gobaleedka Puntland eeuu hogaaminayo Wasiirka Wasaaradda Caafimaadka Puntland Siciid Qoorsheel ayaa sheegay in kulanka uu soo agaasimay Maamulka Dagmada Gaalkacyo ee Galmudug ujeedkiisuna yahay Muujinta Wada shaqeynta Maamulada Dagmada Gaalkacyo iyo Hogaanka labada Dowlad Gobaleed
Kulanka ayaa sidoo kale waxaa ka hadlay qaar ka mida Waxgaradkii iyo Xubnihii ka socday Ururada Bulshada kuwaas oo sheegay in kulankaan uu yahay mid muujinaya wada shaqeynta Labada Dowlad Gobaleed ee ka shaqeynta Nabadda Gobalka Mudug
Wasiiru-dowlaha Wasaaradda Arimaha Gudaha Galmudug Cumar Maxamed Diiriye iyo Wasiirka Wasaaradda Amniga Galmudug ayaa kulanka ka sheegay dadaaladii loo galay Joojinta Colaadii ka jirtay Galbeedka Gobalka Mudug iyagoo tilmaamay in haatan ay meel fiican mareeyso balse loo baahan yahay in lasii dhameeystiro qodabada dhiman
Wasiirka Wasaaradda Caafimaadka Puntland Siciid Qoorsheel ayaa ugu danbeyn ka mahad celiyay soo dhaweynta loo sameeyay isagoo ugu baaqay Bulshada Gobalka Mudug inay sii xoojiyaan Nabadda Gobalka Mudug
