Xillli horumar balaaran laga dareemayo tabcashada beeraha iyo wax soo saarka dalagyada kala duwan ee kasoo baxa dhul beereedyada laga sameeystay deegaanada ku xeeran dagmada Gaalkacyo ayaa Masuuliyiin ka tirsan Wasaarada Beeraha Dowlad Gobaleedka Galmudug waxa ay kormeer ku tageen qaar ka mida beeraha ku yaala deegaanno hoos taga dagmada Gaalkacyo
Kormeerkaan oo ujeedkiisu ugu weyn uu ahaa qiimeeyn ay Wasaaradda Beeraha Galmudug ku sameeyneysay heerka uu gaarsiisan yahay wax soo saarka Beeraha iyo Caqabadaha Heysta Beeraleeyda soo koreeysa ayaa waxaa kormeerka hogaan u ahaa Agaasimaha Guud ee Wasaaradda Beeraha Galmudug Cumar Cismaaan Ciid oo ay wehliyeeen isku duwaha Gobalka ee Wasaaradda iyo Agaasime Waaxeedyo ayaa intii ay ku guda jireen waxa ay warbixino ka dhageysteen Qaar ka mid ah Beeralayda degmada.
