Waaxda Horumarinta Dhaqalaaha ee Wasaaradda Qorsheynta, Maalgashiga iyo Horumarinta Dhaqalaaha Soomaaliya oo uu hogaaminayo Agaasimaha Waaxda, Mudane Cabdinaasir Cumar Kaatib ayaa maanta booqasho shaqo ku tagay xarunta Wasaaradda Xannanada Xoolaha, Dhirta iyo Daaqa Xukuumadda Federaalka Soomaaliya, halkaas oo uu kusoo dhaweeyay Agaasimaha Guud, Mudane Maxamed Cumar Nur.
Kulanka oo u badnaa wadatashi iyo xog uruurin ku saabsan sidii Wassaaradda Xanaanada Xoolaha ay qeyb uga noqon lahayd warbixinta dhaqalaaha dalka ee sanadlaha ah oo ay mardhow soo Saari doonto wasaaradda Qorsheynta Qaranka.
Kulanka waxaa goobjoog ka ahaa Agaasimaha Guud ee Wasaaradda Xanaanada Xoolaha, Mudane Maxamed Cumar Nuur, Agaasimaha Waaxda Qorsheynta, Mudane Cabdiraxman Maxamed Xasan, Agaasimaha Waaxda Horumarinta Dhaqalaaha ee Wasaaradda Qorsheynta Qaranka, Mudane Cabdinasir Cumar Kaatib iyo qaar ka mida Hawlwadeenada Waaxda.
