Magaalada Muqdisho waxaa maanta lagu qabtay dibad-baxa ballaaran oo lagu xusayo Qaraxii bahalnimada ahaa ee 29-October 2022-khawaarijta ay ka geysatay iskuuuska Soobe ee magaalada Muqdisho.
Banaanbaxa waxaa ka qeybgalay wasiirrada Waxbarashada, Arrimaha gudaha,iyo Caafimaadka, xildhibaanno katirsan labada Golle ee dowladda, maamulka Maamulka Gobolka Banaadir iyo Bulshada Caasimadda, kuwaa oo marka hore alle uga baryay in uu jannadiisa ugu deeqo dadkii ku Shahiiday qaraxaasi,waxa ay shegeen in maanta meesha la joogay Sanad ka hor aan la joogin khawaarijtana la wiiqay inta badan awoodii ay la hayeen,islamarkaana ay shacabka Soomaaliyeed ku dhibateen jireen
Related posts
Wasiirka Waxbarashada xukuumadda federaalka Soomaaliya mudane Faarax Sheekha Cabdulqaadir, ayaa sheegay in la jabiyay khawaarijta oo muddo dhibaata ku heysay shacabka Soomaaliyeed,waxa uuna alle uga baryay in dadkii sida xaq-darada ahayad loo xasuuqay uu jannad ugu deeqo,isagoo xusay in ay muhiim tahay in laga wada qeyb qaato dagaalka dalka looga xoreynayo khawaarijta.
Wasiirka Arrimaha Gudaha XFS Axmed Macalin Fiqi ayaa isna hadal ka jeediyay dibad-baxa ayaa sheegay in ay muhiim tahay in laga wada qeyb qaato dagaalka dalka looga saarayo khawaarijta,sidoo kalana shacabka caasimadda ay ciidanka amniga la shaqeyaan oo ciidii ay ka shakiyaana la wadagaan laamaha amniga si looga hortago.
Ciidanka xoogga dalka iyo kuwa deegaanka oo sanad ka hor billaabay howlgallo dalka looga saarayo khawaarijta ayaa degaanno badan katirsan dalka ka saaray khawaarijta,waxana taa ay keentay in ay yaradaan falalkii amni daro ee khawaarijta ka geysan jirtay magaalada Muqdisho.
Shacabka soomaaliyeed ayaa dhankooda ku baraarugay dhagarta khawaarijta iyagoo u istaagay in xoog iyo xoolaba ay uga qeyb qaataan howlgallada dalka ka soconayo, waxaana maanta la joogaa sanad kadib iyadoo khawaarijta laga saaray dhul badan oo ay ka heli jireen dhaqaale iyo taageero dadka ay ku dhibi jireen.
