Mas’uuliyiinta maamulka gobolka Bakool iyo saraakiisha ciidanka xooga dalka Soomaaliyeed iyo kuwa AMSIOM ayaa waxaa ay kormeer ku sameeyeen deegaanka Garasweyne ee gobolkaasi , halkaas oo kamid ah goobaha dhowaan laga saaray kooxda al-shabaab.
Tuulada Garasweyne ayaa waxaa ay qiyaastii 50km u jirtaa magaalada Xudur ee xarunta gobolka Bakool, gudoomiyaha degmada Xudur Maxamed Macalm Axmed oo kamid ahaa mas’uuliyiinta halkaasi gaaray ayaa shacabka deegaankaasi ugu baaqay in ay dib ugu soo laabtaan guriyahooda.
Mas’uuliyiinta ayaa meel fagaare ah waxaa ay kula hadleen dadweynaha ku nool Garasweyne ayagoo ku booriyay in ay is dejiyaan isla markaana ciidanka dowladda ay la shaqeeyaan, sidoo kale waxaa goobtaasi lagu soo bandhigay qaar kamid ah dad ka tirsanaa maleeshiyaadka al-shabab oo uu ku jiro nabad doon deegaanka caanka ah.
Deegaanada badan oo gobolka Bakool ka tirsan ayaa dhowaanahan waxaa ka socday howlgalo lagula dagaalamayo kooxda al-shabab ayaa waxaa ay ciidanka xooga dalka iyo kuwo midowga Afrika aya ka saareen deegaanada Garasweyne,Mooragaabay,Buurdhuxunle iyo kuwo kale.
