Kulankani uu shir gudoominayay Ku-simaha gudoomiyaha gobalka Banaadir ahna gudoomiye ku xigeenka siyaasada ee maamulka gobalka waxaana kas qeyb galay Saraakisha Ciidamada Qalabka sida ee dowlada Soomaaliya iyo gudoomiyasha degmooyinka gobalka kaaso oo looga hadlaayay sidii loo xoojin lahaay nabad galyada caasimada iyo dardar galinta bilic soo celinta magaalada Muqdisho waxaana kulankaasi lagu qabtay Xarunta Aqalka Dowlada Hoose ee Xamar.
Qaar kamid ah Masuuliyintii ka qeyb gashay kulanka aya soo jeydiyay in si wadajir ah la isaga kaashado horumarinta ammaanka iyo nadaafada ee gobalka Banaadir, sida uu war baahinta u sheegay afhayeenka maamulka gobolka Banaadir.
Saraakisha Ciidanka ee kulanka ka hadlay ayaa dhankooda sheegay in ay sii dardar galin doonan nabad galyada iyo sidoo kale in ay la Xisaab tamaan dadka caadeystay in ay qashin iyo Wasaq soo dhigaan hareeraha wadooyinka Caasimada iyadoo Taliyaha Ciidanka,Ilaalada deeganka Xamar Cabdinaasir Maxamud Cali waxa uu tilmaamay in ciidanka ilaalada deeganka Xamar ay il gaar ah ku haayan nadaafada wadooyinka.
“ Waxan la xisaabtami doona bulshada iyo ganacsatada ku xad gudubta ee qashin iyo wasaqda ku soo daadiya wadooyinka magaalada arintaasi ma sii socon doonto ganax adag ayayna la kulmi doona cidii arintaasi lagu arko” ayuu sheegay taliyaha.
Mamulka gobalka Banaadir ayaa Todobadyadii ugu dambeeyay waxa uu waday Qorshayaal lagu xoojinaayo soo celinta bilicda caasimada iyo dardar galinta nabad Galyada magaalada Muqdisho.
