Ciyaaryahan Mauro Zarate oo weerarka u ciyaarayay kooxda West Ham United ayaa si amaah ugu biiray kooxda QPR oo u ciyaari doono inta ka dhiman xili ciyaareedkan.
Ciyaaryahan Zarate oo 27-jir ah una dhashay dalka Argentina ayaa kooxda QPR u ciyaari doono kulanka ay sabtida la ciyaareyso kooxda Burnley.
Tababaraha kooxda Queens Park Rangers Harry Redknapp ayaa baadi goob ugu jiro ciyaaryahan kale oo uu si amaah kula soo wareego bishaan si uu u xoojiyo weerarka kooxda.
Dhinaca kalekooxda Leicester City ayaa ku dhawaaqday in ay kooxda Chelsea si xur ah ugala soo wareegtay gool haye Mark Schwarzer.
Gool haye Mark Schwarzer oo 42-jir ah ayaa hal sano iyo bar qandaraas ah u saxiixay kooxda Leicester City.
Gool haye Mark Schwarzer ayaa buuxiyo booska gool hayaha koowaad ee kooxda Leicester City Kasper Schmeichel oo dhaawac uga maqan kooxda.
Gool haye Schwarzer ayaa ahaa gool hayaha sedaxaad ee kooxda Chelsea,waxaana ka horeeyay gool hayaasha kala ah Thibaut Courtois iyo Petr Cech.
