Agaasimaha Guud ee Wasaaradda Qorsheynta, Maalgashiga iyo Horumarinta Dhaqaalaha Xukuumadda Federaalka Soomaaliya Mudane Asad Yusuf Qanyare oo uu wehliyo Aagaasimaha Waaxda Qorsheynta ee Wasaaradda Mudane Muuse Maxamed Cusmaan, ayaa maanta ku qaabilay xafiiskiisa Agaasimaha Guud ee Wasaaradda Gargaarka iyo Maareynta Masiibooyinka Dowladda Federaalka Mudane Axmed Abuukar Axmed (Ahmed –wali).
Masuuliyiintaan ayaa ka wada hadlay Adkeynta xiriirka labada hay’add, taasoo xaqiijinaysa Iskaashi dhaxal gal ah oo muhiim u ah labada dhinac salkana ku haya wax ka qabashada xaaladaha Abaarta, fatahaada iyo masiibooyinka dabiiciga, iyada oo lagu shaqeenayo tiirarka qorshaha horumarinta qaranka iyo siyaasadaha u dagsan Waddanka.
Sidoo kale labada mas’uul waxey kullankooda diirada ku saareen habka qorsheynta, maareynta, hirgalinta iyo isku xirka mashaariicda gargaarka iyo kuwa horumarinta tasoo macno weyn u leh dalka si horumar waara loo gaaro, loogana baxo gargaarka dega dega ah (emergency response).
Kullankan wuxuu qeyb ka yahay daddaalada ee Wasaaradda ugu jirto xoojinta xariirada kala dhexeeyo hay’adaha dowladda, Maamul gobaleedyada iyo Bahwadaagta Soomaaliya teegeerada ku caawiso.
