Xaflad lagu dooranayay Xoghayaha guud ee Ururka xiriirka shaqaalaha Soomaaliyeed ayaa lagu qabtay magaalada Muqdisho, waxaana xilkaasi u tartamayay saddex musharax oo kala ah Maxamed Ibraahim Bakistaan, Cabdiraxmaan Xasan Cumar iyo Cumar Faaruuq Cismaan oo isagu goobta doorashada ay ka dheceysay ka maqnaa.
Maxamed Ibraahim Baksitaan ayaa ku guulesytay doorashada, iyadoo ay halkaasi goobjoog ka ahaayeen XildhibaaMno ka tirsan Baarlamanka Federaalka Soomaaliya iyo Mas’uuliyiin katirsan Wasaaradda Shaqada iyo arimaha bulshada Soomaaliya.
Xoghayaha maanta la doortay ee xiriirka shaqaalaha Soomaaliyeed Maxamed Ibraahim Baksitaan ayaa u mahadceliyay xubnihii doortay, isagoo balanqaaday inuu arrimaha shaqaalaha wax badan ka qaban doono.
Agaasimaha guud ee Wasaaradda shaqada iyo arrimaha bulshada Dowladda Soomaaliya Mudane Maxamed Muqtaar oo goobta ka hadlay ayaa kula dar daarmay Mas’uulka la doortay inuu wax qabad rasmi ah la yimaado.
Xildhibaan Maryan Macalin Isxaaq iyo Xildhibaan Aamino Cumar Jaamac oo ka tirsan Baarlamanka Federaalka ah ayaa bogaadiyay sida ay u dhacday doorashada Xoghayaha guud ee xiriirka shaqaalaha Soomaaliyeed.
Sawir Qaade:- Maxamed Cabdullaahi Maxamed
