Maxkamad ku taala magaalada San Diego gobolka California ayaa dhagaysanaysa dacwad loo haysto 6 muwaadin oo Soomaali ah kuwaasoo lagu eedeeyay inay doonayeen inay ku biiraan kooxda Daacish ee bariga dhexe ka aas aasan.
Dacwad oogayaasha maxkamadda ayaa sheegay in lixdaan muwaadin la qabtay bishii April ee sanadkaan ay qorshaynayeen inay u safraan dalka Turkiga kadibna ay u sii gudbaan Suuriya ama Ciraaq si ay ugu biiraan kooxda Daacish.
Maxkamadda ayaa loo gudbiyay qoraallo la sheegay in laga helay guri ay degenaayeen labo muwaadin oo la kala yiraahdo Max’ed C/xamiid Faarax iyo C/raxmaan Yaasiin Daa’uud kuwaasoo ay ku qoran yihiin qoraalo ay is dhaafsadeen xubno Daacish ka tirsan oo Syria jooga.
Guddoonka maxkamadda ayaan wlli go’aan qaadan, waxaana loo balamay Isniinta soo socota.
