Maxkamad ku taala dalka Koonfur Africa ayaa goโaamisay in dib loo furo xafiis dadka soo galootiga ah ay sharciyada ka qaataan kaasi oo ay kal hore xukuumadda dalkaasi albaabada u laabtay, iyadoo Soomaaliyana ay qeyb ka tahay dadka Soo galootiga ah ee dalkaasi ku ganacsada muhiimad gaar ahna ay u tahay xafiiskani.
Madaxa Jaaliyada Soomaaliyeed ee Dalka Koonfur Africa Muxudiin Nuur Jilay oo la hadlay Radio Muqdisho ayaa sheegay in xafiiskani muhiim gaar ah uu u yahay dadka Soomaaliyeed maadaama wadankaasi kumanaan Soomaali ah ay ku suganyihiin, waxaana ka soomaali ahaan uu xusay in dadaal ay u galeen sidii dib loogu furi lahaa xafiiskaasi oo marar kale duwan racfaan ay ka qaateen.
Xafiiskani ayuu sheegay Mr Muxudiin in uu ahaa mid dadka soo galootiga ah sharciga ay qaataan oo uu xusay 1994-tii uu goโaamiyay Madaxweynihii hore ee dalka Koonfur Africa Nelsom Mandella kaddib markii uu u ogolaaday in dadka soo galootiga ah ay ku ganacsadaan wadankaasi.
Madaxa Jaaliyadda Soomaaliyeed ee Dalka Koonfur Africa Oo Sii hadlay ayaa tilmaamay in maxkamdu ay dib u xukunto xafiiskani dib loo furo in uu ka dambeeyay furitaan ay dib u fureen kiiska Maxkamada islamarkaana ay qabsadeen qareeno u doodayay xuquuqda xafiiskani iyo sida muhiimka uu u yahay.
