Maxkamadda magaalada New York ayaa taageertay dood sharciyadeed ay gudbiyeen dadka ka soo horjeeda xannibaadda sida ku meelgaar ka ah uu Trump u saaray dadka ka safraya todobo dal oo Muslimiin u badan.
Xeer ilaaliyayaha maxkamadda ayaa amray in dadka lagu xirxiray garoomada dayuuradaha inaan la musaafurin karin. Dadkaas ayaa la qabtay kaddib markuu dhaqan galay dikreetadii uu Trump saxiixay.
Madaxweyne Trump ayaa difaacay go’aankiisa uu sida ku meelgaarka ah Mareykanka uga mamnuucay dadka ka safraya todobo dal oo Soomaaliya ay ku jirto.
Donald Trump wuxuu Suxufiyiinta u sheegay in shuruucda cusub si wanaagsan looga shaqeeyay. Wuxuu diiday inuu Muslimiinta xayiraadan uu saaray.
Dadka diiddan ayaa sharciga la tiigsaday si looga noqdo go’aanka, Garoonka diyaaradaha ee John F Kennedy ee New York, oo lagu xiray dad masaafuriin ah, ayaa dibad baxayaal ay tageereen.
Waxay ku dhawaaqayeen “U ogolow inay soo galaan.” Qaar ka mid ah shirkadaha diyaaradaha ayaa u diiday rakaabka qaar inay ka qaadaan garoomada caalamka kale.
Dadka xayiraadda la saaray waxaa ka mid ah kuwa haysta kararka loo yaqaano – Green Card – ee la siiyay deganaanshaha joogtada ah ee Mareykanka.
