Maxkamada Ciidanka Qalabka sida Ee Soomaaliya ayaa Maanta Xukno kala duwan ku Riday Dad loo haysto Dambiyo kala duwan iyadoo dadkaas qaarkood loo haysto in Kooxda Nabad diidka ah Ee Al shabaab ay ka tirsan yihiin
Mascuud Khaliif Daahir oo Xeer ilaalinta Ciidanka Qalabka sida ay ku soo Eedeysay in uu ka tirsanaa Maleyshiyada Al shabaab isla markaana lagu soo qabtay bastoolad uu ku dhibaateynayay shacabka Soomaaliyeed Iyadoo uu Maxkamada ka hor qirtay Ruuxaasi in bastooladiisa uu ku Xabadeeyay Wadaad Masaajid ku Jiray waxaa ay ku xukuntay Xabsi sideed Sano ah oo Xabsi Ciidan ah.
Related posts
Sidoo kale Nuur isgow Mad Isaaq oo isna Maxkamadu ay ku soo Eedeysay in uu ka tirsanaa Maleyshiyaadka Al Shabaab ayaa waxaa uu Maxkamada ka horqirtay in Booliska Kooxda uu ka tirsanaa waxaana lagu xukumay sadax sano oo xabsi Ciidan ah.
Cabdi qafaar Daahir Tuuryare oo ka mid ahaa dadka Maanta la horkeenay ayaa waxaa lagu soo Eedeeyay in uu yahay sarkaal Al Shabaab ka tirsan una qaabilsanaa qaybta Hub Gudbinta waxaa Maxmadau ku dhawaaqday in lagu xukumay Toban sano oo Xabsi Ciidan ah.
Cabdul qaadir Maxamed jaamac oo sidoo kale ka mid ahaa dadka maanta Maxkamada la horkeenay isla markaana loo haystay in uu ka tirsan yahay maleyshiyaadka Al Shabaab gaaar ahaan qaybta Amniyaadka ayaa waxaa maxkamada ay ku dhawaaqday in lagu Xukumay Toban sano oo xabsi Ciidan ah dhamaana Xukunadaas waxaa ay Maxkamadu ku dhawaaqday in Racfaan uu ka furan yahay .Col Cabdulaahi Muuse Keyse ayaana aqriyay Go.aanka Maxkamada.
