Maxkamadda sare ee dalka Hindiya ayaa maanta oo Isniin ah baabi’isay go’aan hore oo ay Maxkamadda gobolka Gujarat, ku doonaysay in ay ku sii daayso 11 Hinduu ah oo lagu helay kufsi wadareed ay u geysteen Haweeney muslimad ah oo uur leh, intii uu socday xasuuqii waynaa ee 2002-dii loo gaystay muslimiinta Hindiya.
Dadkan ayaa horraantii sanadkii 2008 lagu xukumay xabsi daa’in, laakiin Maxkamadda gobolka Gujarat ayaa sii daayay 2022 kii-, ka dib markii maamulka xabsiga ay ku jireen uu ku taliyay in ay xaq u leeyihiin in Cafis loo fidiyo marka loo eego waqtigii ay Xabsiga ku jireen, taa oo maxkamadda gobalka ay cuskatay.
Markii uu go’aankan soo baxay ayaa waxaa ka dhashay caro iyo mudaaharaadyo ay hoggaaminayaan dadkii dhibanayaasha ahaa.
Xukunka ay maanta soo saartay Maxkamadda sare ayaa lagu amray in danbiilayaasha muddo labo todobaad gudahood ah ay isku soo dhiibaan si Xabsiga loogu celiyo.
