Maxkamadda Darajada Koowaad ee Ciidanka Qalabka sida ayaa maanta magaalada Jowhar ku xikuntay askar lagu soo qabtay maandooriyaha xashiiska
Guddoomiyaha Maxkamadda darajada koowaad G/dhexe Xasan Cali Nuur Shuute ayaa ku dhowaaqay xukunka Maxkamadda waxana uuna sheegay in saddex ka mid ah ciidamada xoogga dalka lagu helay dambi ah inay fududeeyeen in maandooriyaha xashiishadda si qarsoodi ah loo geeyo magaalada Muqdisho.
Sidoo kale gudoomiye Shuute ayaa sheegay in dambiilayaashan xukunkooda yahay min 10 sano oo xarig ciidamadeed ah Qodobada 319,320,321,322 ee xeerka ciqaabta ciidamada qalabka sida.
Askartan lagu xukumay xariga ayaa kala ah Laba Alifle Barrow Muudey Axmed oo 55 sano jir ah,Cabdrashid Raagge Xaashi oo 28 jir ah iyo Awalow C/qadir Maxamed ayaa la soo bandhigay hub ay isticmaalayeen iyo 57 kiilo oo ah maandooriyaha xashiishada.
Goob fagaare ah oo lagu gubay maandooriyahan xashiishka ayaa waxaa goobjoog ka ahaa guddoomiyaha gobolka Sh/dhexe Cali Cabdullahi Xuseen iyo mas’uuliyiin kale oo ka tirsan maamulka degmada Jowhar.
Guddoomiyaha gobolka Sh/dhexe Cali Guudlaawe ayaa u mahadceliyay ciidamada ku guuleystey in ay wax ka qabtaan askar baraha koontaroolada ka gudbinayay maandooriyaha xashiishada ay gacanta ku soo dhigaan isla markaana xukun sharci ah ku ridday.
