Maxkamadda Ciidamada Qalabka sida Xafiiskeeda Gobolka Hiiraan oo dacwad ciqaabeed loo heystay 9 eedeysane oo la horgeeyay maxkamadda ayaa xukuno kale duwan lagu riday, iyadoo qareeno u doodayay eedeysanayaashaasi iyo xafiiska xeer ilaaliyaha ay dood kulul ku dhexmartay halka maxkamada ay ka socotay.
Intaasi kaddib ayaa xafiiska xeer ilaalinta waxa uu soo bandhigay cadeymo muujinaya in ay eedeeeysanayaasha ay galeeen dambiyada lagu soo oogay waxaana guddoomiyaha maxkamada ciidamada qalabka sida xafiiskeeda gobolka Hiiraan C/casiis Cabdulaahi Xasan uu ku dhawaaqay xukunadani.
“Maalintii taariikhda ay aheyd 11. 08. 2015, maxkamada ciidamada qalabka sida waxa ay u fariisatay eedii loo heystay eedeysane Mahad Maxamed Xuseen 26 jir ah ina xaawo xuseen ku dhashay degan Xaafadda Nuur Xawaad kaasi oo xafiiska xeer ilaalinta ku soo eedeysay in uu dilay taariikhdu markii ay aheyd 17.07. 2015 2-da marxuum oo lagu magacaabi jiray Cali Shuuriye Jimcaale iyo C/ qaadir Cismaan Ceymooy, dood dheer kadib markii ay maxkamada aragtay eedii uusoo jeediyay xeer lilaaliyaha maxkamada ciidamada qalabka sida ee gobolka hiiraan kuna xusneed aayada 178 suuratu Al Baqra oo lala akhriyo qodobka xeerka ciqaabta ciidamada qalabka sida markii ay dhageysatay qiraalkii eedeysanaha uu maxkamada ka hor qirtay in uu dilay marxuumiinta kala ahaa Cabdi Shuuriye Jimcaale iyo C/qaadir Cismaan Ceeymooy, sidaasi darteed waxaa markamada u cadaatay in gacan ku dhiigle Mahad Maxamed Xuseen uu galay dambiga lagu soo eedeeyay, waxaana ay maxkamadu ku xukuntay dil toogasho ah”.
Eedeysanayaasha soo haray ee 8-da ah ayaa waxaa lagu kala sida soo socota Cawaale Maxamed Faarax iyo Mowliid Maxamed Wehliye oo horey dil u geystay waxaa ay maxkamadu ku xukuntay in ay bixiyaan diyo dhan min boqol halaad oo geel ah, Axmed Maxamed Cabdi oo ka tirsanaa maleeshiyaadka UGUS ayaa lagu xukumay sedex sano oo Xabsi Ciidan ah, sidoo kale Dalmar Makaraan Cabdi oo lagu eedeeyay burcad nimo ayaa maxakamada waxa ay ku xukuntay 1 sano oo xabsi ciidan ah Maxamed Faarax Jimcaale oo lagu soo eedeeyay burcadnimo ayaa waxa ay ku xukuntay 2 sano oo xabsi ah iyo in uu bixiyo 450 dolar uu horey u dhacay, Cabduqaadir Cabdulle Salaad iyo Cali Xaashi Shire oo lagu helay iyagoo daraagis ku dhex iibinaya xero ciidan ayaa waxa ay maxkamadu ku xukuntay hal sano oo xabsi Ciidan ah.
