Maxkamadda Ciidamada Qalabka sida Qeybta 60aad, ayaa Maanta Xukunno kala duwan ku tidey rag katirsanaa Ciidanka Daraawiishta Koonfur Galbeed oo lagu helay falaal la xarriira dhac iyo dil ka geesteen Magaalada Baydhabo.
Muxyadiin Cali Cabdullaahi, ayaa Maxkamaddu ku xukuntey Dil toogasho ah oo ah Qisaasta Marxuum Maxamed Nuur Salaad kaas oo ahaa Ardey dhigta Iskuulka Al Qalam ee Magaalada Baydhabo, Halka Shuceyb Cali Mursal lagu Xukumey 10 sano oo Xabsi Ciidan ah.
Guddoomiyaha Maxkamada Ciidamada Qalabka Sida Qeybta 60aad Gashaanle Sare Sheekh Aadan Abuukar Maxamed, ayaa ku dhawaaqay xukunka maxkamadda ka soo baxay.
