Maxkamadda ciidamada qalabka sida ee Beladweyne ayaa xukunno kala duwan ku riday maleeshiyaad ka tirsan Ururka Gumaadka Soomaaliyeed ee UGUS, kuwaasi oo tiradooda gaareyso 11 qof.
Xafiiska xeer ilaalinta gobolka Hiiraan ayaa waxa ay ku soo eedeysay dhalinyaradaasi inay qeyb ka yihiin maleeshiyaadka Al-Shabaab, isla markaana lagu soo qab qabtay howlgallo ay ciidamadu ka sameeyeen Beladweyne, waxaana Maxkamadda la horgeeyay caddeymo muujinaya inay UGUS ka tirsanaayeen.
Guddoomiyaha Maxkamadda ciidanka qalabsida ee Gobolka Hiiran Cabdicasiis Cabdullaahi Xasan ayaa sheegay in 10 ka mid ah lagu riday xakunno isugu jira shan ilaa iyo hal sano oo xabsi ah, waxaana ay Maxkamaddu amartay in xabsiga laga sii daayo mid ka mid ah raggii maxkamadda la geeyay, kaddib markii lagu waayay eedeymaha lagu soo oogay.
Maxkamadda gobolka Hiiraan ayaa bilihii la soo dhaafay dar dargelisay howlihii ay bulshada u haysay.
