Maxkamadda Magaalada Boosaaso ee gobolka Bari ayaa xukuno kala duwan ku ridday shan dhallinyaro ah oo lagu helay in qoys danyar ah oo ku nool Magaalada Boosaaso ay dhawaan kula kaceen fal tacadi ah.
Eedeeysanayashan ayaa lagu soo eedeeyay in ay qoys danyar ah gurigooda ugu dhaceen xilli habeen ah oo la hurday, islamarkaana dil iyo gubis ugu hanjabeen, si ay u cabsi geliyaan, iyaga oo muqaal ay ka dubeen ku faafiyay baraha bulshada.
Related posts
Shantan eedaysane ayaa sida la caddeeyay qiratay Eedda loo soo jeediyay, kadib baaritaan ay ku samaysay waaxda C.I.D, ka hor inta loo gudbin Maxkamadda.
Maxkamadda Magaalada Boosaaso, oo maanta u fadhiisatay dacwada Dhalinyaradan ayaa mid ka mid ah ku xukuntay Lix sano oo xarig ah, Halka Afarta kale ay ku xukuntay min shan sano oo xabsi ah iyo inaay bixiyaan min afar kun oo Dollar.
