Cutubyo ka tirsan ciidanka Militariga dalka Burkino Faso oo wata gaadiidka Gaashaaman ee dagaalka ayaa weerar ku qaaday Taliska Ciidamada Madaxtooyada kadib markii oo ah kuwa inqilaabka sameeyay kaddib markii ay ka baxeen hshiis ah inay hubka dhigaan.
Ciidamada Militariga oo shalay weerar ku qaaday Taliska Madaxtooyada ayaa dagaal saacado socday la galay ciidamada inqilaabka sameeyey, waxayna ugu danbeen ciidamada Madaxtooyada ee inqilaabka waday ay isaga baxeen xarumahooda. Khasaaraha ayaan illaa iyo hadda si dhab ah loo ogeyn.
Todobaadkii hore ayaa la go’aamiyey in ciidamada Madaxtooyada Burkina Faso ee Inqilaabka sameeyey ay hubkooda ku wareejiyaan Militariga dalkaasi isla markaana awoodda dowladda ay dib ugu celiyaan dowlada rayidka ah.
Ciidamada Madaxtooyada oo qaaddacay heshiiska hub dhigista ah ayaa ku sugnaa taliskooda oo ku yaal nawaaxiga Madaxtooyada caasimadda Burkina Faso.
