Meydka haweeneey Soomaali ah iyo seygeeda ayaa laga helay guri ku yaala magaalada Sanca ee dalka Yemen.
Wariye ku sugan magaalada caasimadda ah ee Sanca oo lagu magacaabo C/risaaq Xuseen ayaa laanta afka Soomaaliga ee VOA u sheegay in gelinkii dambe ee shalay meydadkaasi laga helay guri ku yaala magaalada Sanca.
โShalay galab ayaa meydkiisa laga helay gurigiisa isaga iyo xaaskiisa walaalkeen Yuusuf Diiriye Xasan Geeddi oo ka tirsanaa guddiga qaxootiga Soomaalida ayaa isagoo meyda gurigiisa laga helay isaga iyo xaaskiisaโ ayuu yiri wariye C/risaaq oo ku sugan magaalada Sanca.
C/risaaq oo hadalkiisa sii wata ayaa xusay in guriga loogu tagay laba gabdhood oo ay dhaleen marxumiinta dhintay, wuxuuna hoosta ka xariiqay inaan la garaneyn ilaa hadda sababta ay u dhinteen dadkaasi inkastoo uu tilmaamay in booliiska Yemen ay iminka wadaan baaritaanno la xiriira arrintaasi.
