Gudaha xabsi si weyn loo ilaaliyo ammaankiisa ayaa laga dhax helay meydka sargaal horey uga tirsanaa ciidamada FBI-da dowladda Mareykanka, kaa oo markii dambe isku bedelay basaas la shaqeeya dowladda Ruushka.
Dowladda Mareykanka faah faahino dheeraad ah kama aysan bixin geerida ninkan muddo ka badan 20-sanno xabsiga ku jiray, waxaana ninkan meydkiisa laga helay qolkii uu uga jiray xabsiga Florence.
Related posts
Robert Hanssen ayaa xogo sirdoon oo dalkiisu lahaa la wadaagay dowladda Ruushka, waxa uuna sargaalkan lacago badan kaga helay dowladda Ruushka xogaha sirdoon ee dalkiisu lahaa uu la wadaagay.
Ninkan oo ahaa basaaskii ugu weynaa ee ka carreesiiya dowladda Mareykanka ayaa kiiskiisa waxaa u fadhiistay saddex boqol oo wakiillo ahaa, waxa ayna maxkamd ku riday xukun xabsi daaβin ah sannadkii 2002-dii.
Mareykanka ayaa sheegay in ninkan lacag ka badan 1.4 milyan kaga qaatay Ruushka xogaha sirdoon uu la wadaagay , waxa uuna bixiyay xogo sir ah uu qoraal ahaan ugu dirayΒ dowladdii Ruushka iyo Midowgii Soofiyeeti ee hore.
