Ciidamada Hindiya ayaa sheegay maanta oo Arbaca ah in toogasho ay ku dhinteen afar qof ay ka dhacday gudaha saldhig ay leeyahiin Ciidamada milatariga oo ku yaalla gobolka Punjab ee dhaca waqooyiga dalkaasi Hindiya.
War ka soo baxay Wasaaradda Gaashaandhigga oo ay baahisay wakaaladda wararka ee Reuters, ayaa lagu sheegay in rag aan tiradooda la garaneyn ay galeen saldhigga ciidamada ee Bathinda, iyaga oo intaas ku daray in dableydan ay gacanta ku dhigeen saanad ciidan.
Ciidamada Hindiya ayaa bayaan ay soo saareen ku sheegay in shilkan uu dhacay 4:35 subaxnimo ee xilliga gudaha dalka Hindiya, waxaana socda howlgallo baaritaanno ah oo lagu baadi goobaya heybta raggii falkan geystay.
Saldhigga Bathinda ee la weeraray ayaa ka mid ah saldhigyada militari ee ugu weyn Hindiya, waxaana la shegaa inay halkaasi ay ku suganyahiin in ka badan 10,000 oo ciidamada lugta ah, taangiyada iyo ciidamada gantaalada.
