Midowga Africa ayaa shirk u leh Adis’ababa kaasoo looga hadlayo la dagaallanka argagixisada qaaradda Africa.
Shirkan oo ay ka qeybgalayaan mas’uuliyiin ka socota wadamada qaaradda ayaa diiradda lagu saarayaa sidii qaaradda looga cirib tiri lahaa argagixisada gaar ahaan Shabaab iyo Boko –haram, kuwaasoo dhibaatooyin amnidaro ah ka wada bariga iyo galbeedka Qaaradda Africa.
Shirka ayaa looga arrinsanayaa adkeynta ammaanka qaaradda Africa, iyo sidii loo taageeri lahaa ciidamada dowladda Soomaaliya, si ay tabar iyo itaalba ugu yeeshaan xaqiijinta amniga guud ee dalka.
Dalkeena Soomaaliya ayaa waxaa ku sugan ciidamo ka socda Midowga Africa kuwaasoo ciidamada qalabka sida ka caawiya howlgallada dalka looga sifeynayo maleeshiyaadka Shabaab ee banneystay daadinta dhiigga ummadda Soomaaliyeed.
