Kulan lagu soo afjarayey Qodobadii ku xusnaa Mowshinkii Madaxwayna jamhuuriyadda Soomaaliya Mudane Xasan Sh, Maxamuud ay ka keeneen xubno ka tirsan barlamaanka, 12-kii Agoosto ee sanadkan ayaa maanta lagu qabtay Villa Hargaysa ee magaaladda Muqdisho.
Kulanka oo ay ka qeybgaleen guddoomiyaha Barlamaanka Prof. Jawaari, R/wasaare Sharma’arke iyo mudanayaal ka tirsan Baarlamaanka ayaa laga soo saaray qodobo wax looga qabanayo eedaymihii ku xusnaa mowshinka Madaxwayanha, oo aysan ku jirin qodobkii ahaa qiyaano Qaranka oo horay laysugu raacay in uu yahay wax kama jiraan.
Qodobada la isku raacay in wax laga qabto ee ku xusnaa ,moowshinka, waxaa ka mid ah, Arrimaha garsoonka iyo caddaaladda,`kala soocidda awoodaha hay’addaha dowladda, hay’addaha amniga iyo nabad sugidda, hantidda guurtada iyo maguurtada ee dowladda iyo dadwaynaha, heshiisyadda iyo qarandaraasyadda la galayo,iyo la dagaallanka musuq-maasuqa hay’adaha dowladda.
Qodobada lagu heshiiyay waxaa si wadajir ah u saxiixay guddoomiyaha Barlamaanka iyo Ra’iisulwasaraaha dalka oo madaxwaynhu u xilsaartay wada xaajoodka.
Xildhibaannadii horay u saxiixay moshinka ayaa si wayn u soo dhaweeyay soo afjaridda mooshinka, waxayna ka codsadeen in la fuliyo qodobadaasi maaddama sababta ay u keeneen mooshinkaasi ay ahayd toosin.
Ra’iisalwasaraha xukumadda federaalka Soomaaliya Dr. Cumar Cabdirashiid Cali Sharmake oo kulanka ka hadlay aya ballan qaaday in ay xukumadu ka shaqayn doonto hirgalinta qodabadan lagu heshiiyey ee lagu soo afjaray mowshinkii Madaxwaynaha ay ka keeneen mudanayaal ka tirsan Barlmanka.
Guddoomiyha golaha shacabka Mudane Maxamed Sheekh Cusmaan oo gaba gabadii kulanka ka hadlay ayaa u mahadceliyey guud ahaan xildhibannadda Barlamaanka, waxaa uuna kula dar daarmay in ay ka shaqeyaan dardar galinta howlaha culus ee horyaalla golaha shacabka Soomaaliyeed.
