Mashruuc loogu talagalay kalluumeeysatada iney si fudud ugu jillaabtaan ayaa laga hirgeliyay xeebaha maagalada Muqdisho.
Mashruucaanfadย oo ah qalab badda la dhigayo islamarkaaana kalluunka isugu keenaya meel ay si fudud uga soo jillaban karaan kalluumaysatada ayaa laga hirgaliyey xeebaha Muqdisho gaar ahaan Liido, Geel Liq iyo Jasiira.
Related posts
Fulinta iyo hirgalinta mashruucan ayaa waxaa iska kaashaday wasaaradda kallumaysiga iyo qayraadka badda iyo hayโadda Qaramada Midoobayย u qaabilsan horumarinta cuntada iyo beeraha ee FAO, ujeeddada mashruucan waa waa sidii loo horumarin lahaaย wax soo saarka kheyraadka badda Soomaaliya.
Wasiirka Kalluumaysiga iyo Kheyraadka badda ku xigeenkiisa, agaasimaha guud ee wasaradda wakiilka hayโadda FAO ee Soomaaliya ayaa goob joog ka ahaa furitaanka mashruucan maanta laga hirgaliyey xeebaha Muqdisho.
Qalabkan waxaa dhigay xeebaha markabย ay dusha ka ilaalinayeen doomanย ay leeyihiin ciidamada ilaalada xeebaha Soomaaliya ee ka socda Midowga Yurub.
Maxamed Cumar Caymooy wasiirka kaallumaysiga iyo kheyraadka badda oo warbaahinta kula hadlay markab dushiisa ayaa sheegay in mashruucan uu faaโiido badan u leeyahay kalluumeystada ka jilaabata xeebaha Muqdisho.
Wasiirkan ayaa xusay in mashruucan la gaarsiin doono dhamaan xeebaha dalkeena oo dhan si ay kalluumeysatada ugu fududaato soo saaridda kalluun farabadan isagoo tilmaamay in qalabkani uu kalluunka isugu keenyo meel ay si fudud uga soo qabsan karaan kalluumeysatada.
