Muqdisho:–Hogaamiyaha Xisbiga Mucaaradka ee dalka Maldives, Ibrahim Mohamed Solih,ayaa ku guuleystay natiijada tartankii doorashooyinka madaxtinimo ee ka dhacay dalkaasi ,tasoo la yaab ku noqotay madaxweyne Abdulla Yameen oo si weyn loo filaayey in uu guuleysto.
Natiijada tartyanka doorashada oo ay saakay shaaciyeen Guddigga Doorashooyinka,ayaa muujinaya in hoggaamiyaha mucaaradka uu helay 58.3% codkii ay bixiyeen dadweynaha ,halka madaxweynaha laga adkaaday uu isna helay 42%
Hogaamiyaha Xisbiga mucaaradka ee guuleystay Ibrahim Mohamed Solih , ayaa ka codsadsay Madaxweyne Abdulla Yameen in uu xushmeeyo rabitaanka bulshada,isla markaana uu si degan u wareejiyo awoodda,
Dalka Maldives ,waxaa uu dhacaa Koonfurta Aasiya ee badweynta Hindiya,waxaana dadkiisa lagu qiyaasay sanadkii 2016-kii 417,492 ,iyadoo dadkiisan ay yihiin Muslim.
