Xildhibaan ka tirsaneyd baarlamaanka dalka Ingiriiska oo lagu magacaabi jiray Jo Cox, ayaa lagu dilay waqooyiga magaalada London.
Wakaalada Wararka AP oo soo xiganeysay goob joogayaal ayaa sheegtay in Xildhiban Jo Cox ay weerareen laba nin oo mid ka mid ah uu rasaaseeyay, halka kan kale uu toorey ku dhuftay.
Boliiska ayaa sheegay in deegaanka West Yorkshire lagu qabtay nin 52 jir ah oo lala xiriirinayo dilka Xildhibaanka, wuxuuna intaasi raaciyay inay baaritaan ku sameynayaan dilka Xildhibaanka.
Jo Cox, ayaa ka mid ahayd Xildhibaannada mucaaradka ee baarlamaanka dalka Ingiriiska wuxuuna dilkeeda ku soo beegmay iyadoo hal todobaad ay ka harsan tahay ka hor inta aysan dowlada Ingriisku u codeyn doodda kulul ee ku aaddan afti loo qaadi doono haddii Britan ay ka baxeyso Midowga Yurub iyo in kale.
Jo Cox ayaa si weyn ugu doodi jirtay qaxootiga Suuriya, waxayna la shaqeyn jirtay qaar ka mid ah hay’adaha samafalka, waxeyna ahayd hooyo leh laba caruur ah.
