Kulankaan oo dhacay Jimcihii ayaa ahaa xog wareysi u dhexeeyay xildhibaan Cabdifitaax Qaasim oo kamid ah Golaha Shacabka ee baarlamaanka Dalka iyo qaar kamid ah dhalinyarada aqoon-yahanada Jubaland ee ku sugan magaalada kismaayo ee xarunta kumeel gaarka jubaland,waxaana la isku dhafsaday aragtiyaha ku saabsan doorka dhalinyarada aqoon yahanka ee ka shaqeynta horumarinta dalka iyo dhismaha garadka bulshada soomaaliyeed.
Xildhibaan Cabdifitaax Qaasim ayaa kulankaas inta uu socday u sheegay dhalinyarada, in la joog wakhtigii dhismaha dalka iyo kaalinta dhalinyarada Soomaaliyeed, si mar kale dalkeenu u helo maqaamkii uu lahaa.
inta kadib dhalinyarada iyo xildhibaanku waxaa ay dalxiis ku tageen deegaanka gobweyn oo 13KM u jirta magaalada kismaayo, oo ah halka ay iskaga daraan Webiga Jubba iyo Badweynta India.
Xildhibaan Cabdifitaax Qaasim oo la hadlay warbaahint ayaa ugu baaqay shacabka Soomaaliyeed, in ay ka faa’iideystaan kheyraadka rabi ku galaday dalkeena Hooyo, gaar ahaan Jubaland oo kamid ah meelaha ugu hodonsan dhanka wax soo saarka Beeraha Xoolaha iyo Kalluumeysiga.
