Mas’uuliyiinta maamulka gobolka banadir Waxgarad iyo Qaybaha bulshada ayaa maanta ka qayb galay kulan looga hadlayay Muhiimadda Isdhaxgalka bulshada Taas oo ka dhacday Degmada Warta Nabadda ee Gobolka Banadir.
Guddoomiye kuxigeenka dhanka Arrimaha bulshada ee Maamulka Gobolka Banaadir Iimaan Nuur Iikar ayaa Bogaadiyay waxbarashada Ubadka oo muhiim u ah Buu yiri Horumarka iyo Nabadda.
Waxgaradkii ka qeybgalay kulanka ayaa Ammaanay doorka Maamulka degmada Warta Nabadda iyo kan Gobolka ee Horumarinta Mashaariicda ay ka wadaan gobolka Banaadir.
Guddoomiyaha Degmada Wata Nabadda ee Gobolka Banaadir ayaa sheegay in maamulka degmada warta Nabadda ay doorka Sari doonaa Horumarinta Nadafadda Degmada iyo in Waxbarasho lacag la,aan ah la siiyo dadka aan Awoodin Bixinta lacagaha Dugsiyada Gobolka banadir gaar ahaan kuwa degmada warta nabadda.
Dhinaca kale Guddoomiye kuxigeenka Arrimaha Bulshada gobolka Banaadir Iimaan Nuur Iikar iyo Guddoomiyaha degmada Warta Nabadda Yaasiin Nuur Ciise ayaa si wadajir ah ugu wareejiyay Guddoomiye waaxeedyada degmada , Gaadiid loogu tala galay in looga qeyb qaato Nadaafadda Degmada.
