Munaasabadaan oo deeq loogu aruurinaayey dadka ay abaaraha ku saameeyeen Gobolada Dalka Soomaaliya islamarkaana lagu soo bandhigayey doorka ay Haweenka Soomaaliyeed ku leeyihiin Hormarinta dhaqanka ayaa xalay waxa ay ka dhacday Xarunta aqalka dowlada Hoose ee Magaalada Muqdisho.
Munaasabadaan oo ay kasoo qeyb galeen Gudoomiyaha Gobolka banaadir ahna duqa magaalada Muqdisho, Xildhibaano , gudoomiyaha gudiga doorashooyinka ee madaxbanaan , gudoomiyaha ururka Haweenka Gobolka Banaadir , fanaaniin iyo ururadda Bulshada Rayidka ayaa waxaa lagu soo bandhiagay bandhig carweed lagu soo bandhigayey hidaha iyo dhaqanka Soomaaliya.
Munaasabaan oo lagu xusayey maalinta haweenka Soomaaliyeed ayaa lagu soo bandhigay deeqo kala duwan oo loogu tala galay in loogu tabarucu dadka ay abaaraha ka jiro Gobolada Soomaaliyeed in lagu taageero.
Gudoomiyaha Ururka haweenka Gobolka Banaadir ayaa xustay muhiimada ay haweenka u leeyihiin bulshada aduunka isla markaana ay laf dhabar u yihiin bulsho weynta Soomaaliyeed , sidoo kale Gudoomiyaha Gobolka Banaadir oo ka hadlay Munaasabada ayaa xusay in ay ka duwantahay 8 Marso sidii hore loo xusi jiray isla markaana sanadkan loo bedalay mid deeqo loogu aruurinaayo dadka ay abaaraha Saameeyeen.
