Munaasabad ballaaran oo lagu taageerayay madaxda Qaranka Β ayaa lagu qabtay magaalada Nairobi ee xarrunta wadanka Kenya, waxaana munaasabadda ka qeybgalay mas’uuliyiin ka kala socotay dowladaha Soomaaliya iyo Kenya.
Xafladda oo aheyd mid si heer sare Β ah loo soo agaasimay ayaa waxaa soo qaban qaabiyay jaaliyadda Soomaaliyeed ee ku nool magaalada Nairobi, waxaana taageero iyo hambalyo loo muujiyay madaxda Qaranka ee dalkeena Soomaaliya.
Related posts
Munaasabadda ayaa waxaa ka qeybgalay Danjiraha Dowladda Soomaaliya u fadhiya wadanka Kenya, Hoggaamiyaha aqlabiyadda baarlamaanka Kenya, xildhibaanno ka tirsan labada aqal ee baarlamaanka Soomaaliya, xildhibaanno ka tirsan baarlamaanka Kenya, siyaasiyiin, aqoonyahanno, waxgarad, haween iyo qeybaha kala duwan ee bulshada.
Danjire Jamaal Maxamed Xasan oo furay munaasabadda ayaa sheegay in dowladda cusub ee Soomaaliya ay ka go’antahay wax u qabashada dadka Soomaaliyeed , waxaana sidoo kale goobta ka hadlay xildhibaan Muuse Suudi Yalaxoow oo dadkii munaasabadda isugu yimid ka codsaday Β in ay dowladda dhaqaale ku taageeraan, Aadan Barre Ducaale oo ah hoggaamiyaha aqlabiyadda baarlamaanka Kenya, ayaa tilmaamay in dowladda Kenya ay ka go’antahay in ay si dhow ula shaqeeyso Soomaaliya.
intii ay socotay xafladda ayaa qadka taleefoonka waxaa uga qeybgalay Ra’isul wasaaraha xukuumadda Federaalka Soomaaliya mudane Xasan Cali Kheyre, isagoo Β u mahad celiyay dadkii xafladda isugu yimid, waxaana Β uu tilmaamay in dowladda uu dhisi doono ay ka shaqeyn doonto midnimada ummadda iyo samatabixinta dalka, ayna ka fogaan doonto wax walba oo isku dhac keeni kara.
