Munaasabadda lagu soo dhawaynayay hogaanka cusub ee dowlad goboleedka Galmudug ee xalay lagu qabtay magaalada Cadaado, waxaa ka soo qaygalay madaxwaynaha Galmudug C/kariin Xuseen Guuleed, ku xigeenkisa Maxamed Xaashi Cabdi, gudoomiyaha Baarlamanka Galmudug Cali Gacal Casir, xubno ka tirsan golaha Baarlamanka Galmudug, qaybo ka mid ah bulshada rayid ka ah.
Faadumo Qaran oo ka mid ah dhalinyaradii munaasabadan qabanqabisay ayaa sheegtay in bulshada Galmudug ay ku niyad sanyihiin inay yeeshaan maamul wada matala, ayna xafladan u qabteen inay dereenkaas muujiyaan.
Related posts
Xildhibaanad Canab Cosoble oo ka tirsan Baarlamanka cusub ee Galmudug ayaa sheegtay inay maanta la soo gaaray meel in badan lagu taamayay, balse loo baahanyahay in hore looga sii dhaqaaqo oo shacab iyo maamulba la wada shaqeeyo.
Madaxwaynaha dawlad goboleedka Galmudug C/kariim Xuseen Guuleed oo munaasabadaas taageerada ah hadal ka jeediyay ayaa sheegay in maamulku uu hogaaminayo uusan marnaba dagaal ku wajihi doonin caqabadaha horyaal.
Maamulkan cusub ee Galmudug ayaa taageero ka helay bulshada Soomaaliyeed iyo beesha caalamkaba, iyadoo doorashadii 4-July lagu tilmaamay dhacdo taariikhi ah.
W/D: Maxamuud Cabdi Diirshe oo Cadaado jooga
