Kampala- 1-7-2019, Munaasabaddan oo ay soo qaban qaabiyeen Midowga Ururka Ardayda Soomaaliyeed ee Dalka Uganda islamarkaana lagu xusayay 59-guuradii ka soo wareegatay markii ay xurminada qaateen gobalada Koonfureed islamarkaana midoween Koonfur iyo Waqooyi ayaa lagu qabtay Magaalada Kampala.
Waxaana munaasabadda ka soo qeyb galay Jaaliyadda, ardayda Soomaaliyeed ee wax kabarata Uganda, Ganacsato, Madaxda Ururka Arday Soomaaliyeed Xildhibaano iyo Wasiiro horay Xilal ugu soo qabtay Dowladda Soomaaliya.
Ugu horeen Cabdixafiid Xasan Maxamed (Faracade) oo ka mid ah qaban qaabiyaasha Munaasabada ayaa soo dhaweyay dadweynahii ka soo qeyb galay Munaasabada.
Sheikh Saciid Barre oo ka mid ah Culamada Soomaaliyeed ee Uganda iyo Guddoomiyaha Ururka haweenka Soomaaliyeed ee Uganda Sihaam Rooraaye ayaa Hambalyo u diray dhamaan shacabka Soomaaliyeed.
Sidoo kale intii ay socotay unaasabadda ayaa waxaa goobta lagu soo bandhigay heesto wadani ah, iyo Gabayo ka hadlayay Dalka.
Gabagabadii Munaasabadda waxaa soo xiray Guddoomiyaha Urarka Ardayda Soomaaliyeed ee Uganda Maxamed Aamiin Barre asigoona u Mahadceliyay Dhamaan ka soo qeyb-galayaasha Munaasabadda, Sido kale guddoomiyaha ayaa sheegay in dhamaan ardayda Soomaaliyeed ee wax kabarata Uganda aay garab taaganyahiin Dowladda Soomaaliya.
W/Q. Yuusuf Kashmiir
