Munaasabadda xuska 60 sanno guurada xurnimada gobollada koofur iyo midnimada Gobolada Waqooyi & Koonfureed ee Dalkeena Soomaaliya oo si sare loo soo agaasimay ayaa waxaa lagu qabtay magaalada Xudur ee xarunta gobolka Bakool.
Munaasabadaan loogu feesteenayay 60 sanno guurada ka soo wareegatay Xuriyada iyo midowgii dalkeena ee 1-da Luuliyo waxaa kasoo qeybgalay ururada Haweenka, Dhalinyarada, Malaaqyada, Saraakiisha Ciidamada, Bahda Fanaaniinta Maamulka Gobolka kan degmada iyo boqolaal dadweyne ah oo ka kala yimid xaafadaha Magaalada.
Related posts
Aadan Cabdi Abaareey, gudoomiyaha gudiga qaban-qaabada xuska maalintan qiimaha badan oo ugu horeyn ka hadlay munaasabadda ayaa sheegay in dalkeennu uu maanta markale u baahan yahay in laga xureeyo cadowga Al-Shabaab.
Taliyaha Qeybta Boliiska gobolka Bakool Col Cabdullahi Qadaafi & Taliyaha Guutada 9-aad qeybta 60-aad ee ciidanka xoogga dalka Soomaaliyeed gashaanle, Mukhtaar Geesey ayaa carrabka ku adkeeyay in markasta ay u taaganyihiin xuraynta dalka & ka sifaynta maleeshiyaadka nabad diidka ah ee banaystay dhiigga shacabka soomaaliyeed, iyagoo munaasabadaan ugu hambalyeeyay shacabka gobolka Bakool.
Guddoomiyaha gobolka Bakool Maxamed Cabdi iyo kan degmada Xudur Maxamed Macalin oo goobta ka hadlay ayaa shacabka Soomaaliyeed gaar ahaan bulshada ku nool gobolka Bakool ugu hambalyeeyay munaasabadda 1-da Luulyo waxeyna ugu baaqeen in laga shaqeeyo horumarka gobolka si bulshadu ay u hesho adeegyada muhiimka u ah.
