Munaasabadaan oo aheyd mid lagu soo gaba gabeynayay xuska dhalashada mowliidka Nabigeena Muxamed NNKH isla markaana ay soo qaban qaabiyeen maamulka masjidka Salaahu-diiin iyo culimada Soomaalida ee xaafada Bellville ayaa Lagu qabtay Magaalada Cape town ee dalka Koofur Africa.
Culimada soomaalida iyo qeybaha kala duwan ee bulshada Soomaalida oo ka kala yimid xaafadaha Soomaalida dagan tahay ee magaalada Cape town ayaa kasoo qeybgalay xuskaan lagu soo gaba gabeynayay munaasabado lagu xusayay dhalashada Nabigeena Maxamed NNKH kaas oo 30 kii cisho ee lasoo dhaafay ay qabanayeen culimada ahlu sunna wal jameeca ee xaafada Bellville.
Wadooyinka soo gala xaafada ganacsiga Soomaalida ee bellville ayaa loo xeray munaabada darteed waxaana xerta iyo culimada Ehlu sunna ay socod ku soo mareem wadooyinka xaafada Iyaga oo qaadaya xadrooyin iyo Nabi Amaano kala duwan.
Ugu dambeyn ayaa waxaa la isugu tagay masjidka salaaxu-diin ee xaafada Bellville ku yaala waxaana halkaasi ay culimada kusoo bandhigeen muxaadarooyin kala duwan oo looga hadlayay taariikh-da dhalashada Nabigeena Muxamed NNKH halkaas oo bulshadii ka qaybgashayna ay kaga faaโideysteen.
Gudoomiyaha Guddiga qaban qaabada munaasabadaan Ganacsade Xaaji Abuukar Suuleey ayaaa sheegay in sanad walba marka la gaaro Bisha Mowliid ay bilaabaan qabashada Xuska Dhalashada Nabigeena Muxamed NNKH, marka ay dhamaatana ay sameeyaan munaasabad weyn oo lagu soo gaba gabeeyo.
