Munaasabadaan oo lagu soo dhaweynayay Gudoomiye ku xigeenka koowaad ee Baarlamaanka Galmudug Abdullaahi Xirsi Maxe”d, Xildhibaan Maxamed Barre Xaaji(Fiyoore), xildhibaan Qaladla Cali Cawaale, wasiirka wasaarada beeraha Galmudug Dr Axmed Nuur Xaaji iyo siyaasiyiin kasoo jeeda bulshada dagmada Bacaadweyne oo ay ka mid aheyd Maryan Geedi ayaa xalay la qabtay.
Guddiga Gurmadka iyo hormarinta bulshada reer Bacadwayne ee Gobolka Mudug.Nabadoon Maxamed Salaad Cilmi.ayaana ugu horeyn ka hadlay munaasabada isagoona uga mahad celiyay siyaasiyiinta xildhibaanada iyo wasiirada kasoo jeeda dagmada Bacaadweyne ee u yimid ka wardoonista iyo la socodka waxa ay ku nool yihiin bulshada ay matalaan ee ku nool gobalka mudug gaar ahaan Galkacyo oo tabashooyin ka qabeen mudooyinkii u danbeeyay xuquuqyada asaasigaa ee ay la wadaagaan bulshada kale iyaguna xaqqa u laahaayeen taas oo sababtay in is fahmi waa uu ka abuuro Galkacyo
Xildhibaan Qaladla Cali Cawaale iyo Xildhibaan Maxamed Barre Xaaji ayaa iyaguna halkaas uga warbixiyay ujeedka socdaalada ay maalmihii u danbeeyay ay ku tagayeen deegaanada iyo dagmooyinka ay ku nool yihiin bulshada ay ku matalaan kuraasta Golaha shacabka baarlamaanka fadaraalka soomaaliya
Ugu danbeyna gudoomiye ku xigeenka baarlamaanka Galmudug ayaa sheegay in si isku duubni ah siyaasiyiin waxgarad iyo shacab loo wada shaqeyn doona.
