Munaasabad lagu weynaynayay xuska maalinta caalamiga ah ee Nabadda oo ay soo qaban qaabisay Wasaaradda dhallinyarada iyo isboortiga ayaa lagu qabtay Muqdisho, waxaana ka qeyb galay Wasiir ku-xigeenka Wasaaradda dhallinyarada, agaasimaha guud ee Wasaaradda, agaasime waaxeedyada, xubno ka socday guddiga olombikada Soomaaliyeed, qaarka tirsan xiriirada isboorti iyo marti sharaf kale oo munaasabadda lagu casuumay, taasi oo lagu qabtay xarunta Wasaaradda amniga gudaha ee degmada Shangaani.
Qaar ka mid ah dadkii ka hadlay xafladda ayaa ka sheekeeyay muhiimadda ay maanta oo kale u leedahay bulshada caalamka, gaar ahaan bulshada Soomaaliyeed, iyagoo xusay in Wasaaraddu ay uga faaโiideysan karto wacyigelinta bulshada.
Related posts
Agaasimaha guud ee Wasaaradda dhallinyarada iyo isboortiga Mudane Daahir Cabdi Cabdullaahi oo hadal kooban ka jeediyay xafladda ayaa hoosta ka xariiqay in ujeedka munaasabada ay tahay in bulshada caalamka ay la wadaagaan xuska maalinta nabadda adduunka
Wasiir ku-xigeenka Wasaaradda dhallinyarada iyo Isboortiga ee Xukuumadda Soomaaliya Mudane Cismaan Aadan Dhuuboow oo soo xiray xafladda ayaa tilmaamay in noolo kasta uu u baahanyahay nabadda, isla markaana ay qiimo weyn ugu fadhido adduunka maanta oo kale, isagoo digniin u diray shaqsiyaadka doonaya inay weeciyaan howlaha Wasaaraddu ay ka leedahay Nabadda.
Wasiir ku-xigeenka Wasaaradda dhalinyaada Mudane Cismaan Aadan Dhuuboow ayaa xusay in ay jirto ifafaalo nabadeed oo suurta gelisay in duurjoogtii uu dalka lahaa ay markale ku soo noqdeen qaar ka mid ah gobollada dalka, loona baahanyahay in qofkasta uu qaato masโuuliyada ah in aan la dabar gooyn ugaarta.
