Wasiirul Dowlaha Wasaarada Caafimaadka ee Dowladda Federaalka Soomaaliya Dr. Maryama Maxamed Xuseen, ayaa maanta si rasmi ah u daah-furtay Ololaha Qaliinka isku furanka haweenka Midkii 10-aad iyo ololaha qaliin guud oo ku saabsan neerfaha iyo xangulada oo ah markii koowaad.
Labadan mashruuc oo muhiim ah, fulintiisa waxaa iska kaashanaya Wasaaradda Caafimaadka iyo Hay’ada Dhaqaatiirta Isaga-goosha Qaaradaha (PAC).
Wasiirul Dowlaha Wasaaradda Caafimaadka ee Dowladda Federaalka Soomaaliya Dr. Maryama Maxamed Xuseen oo ka hadashay furintaanka labadan olole, Ayaa Tiri ” Waxaan idinkaga mahadcelinaynaa Sida aad iskugu xilsaarteen, sida tabarruca ah Oo aad Aqoontiina iyo waqtigiina ugu soo hurteen Ummadda Soomaaliya,”. AYAY TIRI Wasiirul Dowlaha Caafimaadka Dr. Maryama Maxamed Xuseen.
Sidoo kale “Dhaqaatiirtaan Oo ka kala yimid, Jordan, Palestine iyo Nigeria oo dhammaantood ah dhaqaatiro/proffesors ah islamarkaasna takhasus buuxana u leh Cudurrada iyo Qaliinada ay fulinayaan”.
Qaliinada isku furanka haweenka waxay Wasaaradda Caafimaadka ka fulinaysaa Isbitaalka Dayniile halka ay 300 bukaan oo isugu jira qaliimada guud ee neerfaha iyo kuwa kaadi mareenkaba ka samaynayaan Isbitaalka guud ee Demartino Public Hospital.
Dhammaan adeegyadaan waa bilaash si tabaruc ah oo dadka masaakinta ah looga qaadayo culaysyada xannuun ee haysta, waxaana sidoo kale tababar heer sara ah la siin doonaa dhaqaatiirta maxaliga ah ee muddada ay ololahaaan socdaan si sare loogu qaadayo xirfadooda dhakhaatiirta dalka.
