Munaasabad ay ka qeybgaleen xeer ilaaliyaha guud ee Qaranka Axmed Cali Daahir wasiirkii hore ee Garsoorka ahna mudane ka tirsan baarlamaanka Soomaaliya Faarax Sheekh C/qaadir, xubno ka socday Garsoorka dalka, aqooyahano ayaa qoraa ka soo jeeda dalka Jibuuti, waxa uu ku soo bandhigay buug uu ciwaan uga dhigay Garsoorka iyo Islaamka.
Qoraaga oo lagu magacaabo Xuseen Cabdulaahi Rayaale aya dadkii ka qeybgalay munaasabada iyo culumada iyo quburada qorista Afka Soomaaliga ayaa ugu baaqay in ay qiimeeyaan buuga talada ugu dembaysana uu qaadan doono qoraaga.
Xeer ilaaliyaha Qaranka mudane Axmed Cali Daahir ayaa isna sheegay in buugaan ereyada ku qoran ay yihiin kuwo xambaarsan macno badan kuwaaasi oo ku aadan dhanka Garsoorka.
Wasiirkii hore ee Garsoorka Xildhibaan Faarax Sheekh C/qaadir ayaa hadal uu ka jeeday munaasabada waxa uu badankeeda uu uga hadlay garsoorka dalka halka uu marayo.
Bugaan uu qoray qoraakan u dhashay dalka Jibuuti ayaa nuqulo ka mid ah waxa la geyn doonaa xaruumaha ay ku shaqeeyaan garsoorayaasha Soomaaliyeed si ay ugu faa’iideystaan.
