Maxamed Cilmi Afrax Mideeye oo kamid ah musharaxiinta isu soo taagtay qabashada xilka madaxtinimadda goboladda dhexe gaar ahaan Mudug iyo Galgaduud ayaa si aad ah loogu soo dhaweeyey garoonka diyaaraha ee degmada Guriceel .
Dad weyne aad u tiro badan of sitay boorar ay ku qoranyihiin halkudhigyo ay ku taageerayaan musharaxa cusub ayaa lagu soo dhaweeyay markii uu gaaray degmada Guriceel,
Intii uu kujiray soo dhaweynta waxaa uu mid mid ugu gacan qaaday dadkii ka qeyb qaadanayay soo dhaweyntiisa waxayna dadkaasi ku sugnaayeen garoonka in mudo ah dadweynahaasi ayaa ahaa kuwo laga dheehan karay wajiyadooda sida ay u taageersan musharax Madaxweynaha Gobollada dhexe Maxamed Cilmi Afrax (Mideeye).
Mas’uuliyiin ka tirsan maamulka Gobolka iyo kan degmada iyo xubno kale oo la socday ayaa ka qeyb galay kulanka lagu soo dhaweeyay Murashaxa Maxamed Cilmi Afrax, oo ka mid ah musharixiinta doonayo inay qabtaan xilka Madaxtinimo ee Maamulka Gobolada Mudug iyo Galgaduud.
Musharaxa ayaa hadal ka jeediyay kulan soo dhaweyn ah oo loogu sameeyay Guriceeel, waxaana uu intaa ku daray in aad ugu faraxsanyahay soo dhaweynta loo sameeyay, isagoo xusay in uu xoogga saari doono dib u soo nooleynta adeegyada guud ee bulshada, isla markaana uu wax ka qaban doono baahiyaha ay tebayaan bulshada gobollada Dhexe ku dhaqan.
