Munaasabadd lagu taageerayay Musharrax Axmed Macalin Fiqi oo u taagay qabashada xilka madaxtinimo ee Gobolda Mudug iyo Galgaduud ayaa maanta ka dhacay Magaalada Muqdisho.
Qaar ka mid ah dadka ka soo jeeda gobolada Mudug iyo Galgaduud oo munaasabadda ka hadlay ayaa si diiran u soo dhaweeyay musharrax Axmed Macallin Fiqi iyagoo tilmaamay in hadii uu Hoggaanka Maamulka Gobolada Dhexe ee dalka uu qabto in waxbadan ka badali karo xaaladaha dadka daga goboladaas.
Dhammaan siyaasiintii, Aqoonyahanadii iyo Waxgaradkii Kahadlay goobta ayaa isku raacay in Hoggaanka Maamulka Gobolada Dhexe in uu Qabto Musharrax Axmad Macallin Fiqi.
Musharrax Axmed Macallin Fiqi oo ah shaqsi u taagan qabashada xilka maamulka gobolada Dhexe ee dalka oo goobta ka hadlay ayaa sheegay in Dhallinyarada Aqonta leh ee ka soo jeeda Goboladaas in ay u istaagaan dib u Dhiska Maamulka Gobolada Dhexe isagoo in taa ku daray in hadii uu qabto xilka Maamukaas in waxbadan uu ka badali doono xaaladaha dadka kunool gobolada dhexe oo hadda isku taagay maamul loo dhanyahay in ay samaystaan.
