Guddoomiyaha Gobalka Banaadir ahna Duqa magaalada Muqdisho mudane Xasan Maxamed Xuseen “Muungab” ayaa xarigga ka jaraay suuqa kalluunka Dan-kulmis ee degmada C/casiis.
Muungaab ayaa warbaahinta u sheegay in isbadalka lagu sameeyay qaar ka mid ah gudoomiyayaasha degmooyinka gobalka ay tahay mid lagu doonayo in looga gudbo qaab beeledka lagu magaaci jiray gudoomiyayaasha degmooyinka gobalka Banaadir, isagoo xusay in qofkaste oo muwaadin Soomaliyed ah uu xaq u leeyahay in uu ka soo muuqdo caasimadda.
“Caasimadda Soomaliya mar haddey tahay Maamul keeda iyo Taladeeda waxey ka wada go’daa oo xaqsiman ku leh ummadda Soomaliya oo idil in Magaaladan Maamul keeda la Soomaaliyeeyo, oo haddii ilaahey kuu roon yahay bulsha weynta Soomaliyed sey u dhan tahay laga tixgaliyo maamulka heer degmo heer gobal, waana waxa aan hiigsaneyno” ayuu yiri Muungaab.
Gudoomiyaha degmada Cabdi-casiis ee gobalka Banaadir Cismaan Muxidiin Cali Cariif oo goobta ka hadlay ayaa tilmaamay in mash ruuca lagu dhisay kawaanka kalluunka Dankulmis ay qeyb ka tahay mash ruuca dalkaaga dhiso.
